Reseı men IYU Qazanda halyqaralyq ekonomıkalyq qaýipsizdik máselesin talqyǵa salmaq

ASTANA. 5 aqpan. QazAqparat - Reseı Federatsııasy men Islam yntymaqtastyq uıymy (IYU) besinshi halyqaralyq sammıtte halyqaralyq ekonomıkalyq qaýipsizdikke qatysty túıtkildi máselelerdi alǵash ret birge talqylaıtyn boldy. Atalmysh sammıt 2013 jyldyń mamyr aıynyń 15-17 aralyǵynda Qazan qalasynda ótedi.

Halyqaralyq ekonomıkalyq qaýipsizdik máselesinde IYU talqylaǵan jáne sheshken máselelerde Reseıdiń rólin arttyrýǵa basa nazar aýdarylady. Buǵan IYU-nyń Bas hatshysy Ekmeleddın Ihsanoǵlynyń 2013 jyldyń qańtar aıynyń 30-y kúni Saýd Arabııasyndaǵy RF elshisi Oleg Ozerovpen kezdesýinde Reseıdi osy máselege aralasýǵa shaqyrǵany sebep boldy. Bul jaıynda KazanSummit.Ru habar taratty.

muslim.kz saıtynyń jazýynsha, Qazan sammıtinde IYU delegatsııasy men Memlekettik Dýmadan, Ekonomıkalyq damý mınıstrliginen jáne Federaldy qaýipsizdik qyzmetinen reseılik ókilder halyqaralyq ekonomıkalyq máselelerdi qarastyrady. Halyqaralyq sammıttiń kún tártibinde: RF men IYU arasyndaǵy jan-jaqty seriktestikti damytý máselesi - munda saýda-ekonomıkalyq qatynastyń keleshegi ǵana emes, sonymen birge, ınvestıtsııa jáne ǵylymı-tehnıkalyq yntymaqtastyq salasynda da tyǵyz qarym-qatynas ornatý joldary qarastyrylady.

Bul - aldaǵy sammıttiń qanshalyqty mańyzdy ekenin kórsetedi. Sammıt aıasynda strategııalyq jáne ınvestıtsııalyq forýmdar, IYU-ǵa qatysýshy elderdiń parlament ókilderiniń konferentsııasy, Malaızııa jáne Reseı joǵary oqý oryndary rektorlarynyń kezdesýi ótedi.