Reseı men Grýzııa tikeleı dıalogty qaıta jandandyrdy

MÁSKEÝ.«KAZINFORM» - Reseı men Grýzııa ókilderi bir jyldyq úzilisten keıin qaıta jandanǵan tikeleı dıalog aıasynda Mınskide kezdesý ótkizdi. Bul týraly agenttiginiń Reseıdegi menshikti tilshisi habarlaıdy.

Rossııa ı Grýzııa
Foto: Moskovskaıa Gazeta

Kezdesý Reseı Syrtqy ister mınıstriniń orynbasary Mıhaıl Galýzın men Grýzııa Premer-mınıstriniń Reseımen baılanys jónindegi arnaıy ókili, Syrtqy ister mınıstriniń birinshi orynbasary Georgıı Zýrabashvılı arasynda ótti.

Reseıdiń RF Syrtqy ister mınıstrliginiń málimetinshe, taraptar ekijaqty yntymaqtastyqtyń ózekti máselelerin talqylap, saýda-ekonomıkalyq jáne mádenı-gýmanıtarlyq baılanystarǵa basymdyq berdi.

- Birqatar praktıkalyq ýaǵdalastyqtarǵa qol jetkizildi, - delingen RF SІM habarlamasynda. Alaıda ýaǵdalastyqtardyń naqty mán-jaıy jarııalanbaǵan.

Sondaı-aq kezdesý barysynda óńirlik qaýipsizdik máseleleri talqylandy. Delegatsııa basshylary kelissózderdi uıymdastyrýǵa járdemdesken Belarýs tarapyna rızashylyq bildirdi.

Kezdesý qorytyndysy boıynsha taraptar Reseı men Grýzııa arasyndaǵy qarym-qatynastardy odan ári damytý maqsatynda baılanystardy jalǵastyrýǵa ýaǵdalasty.

Buǵan deıin Grýzııada Reseı shekarasyna aparatyn uzyndyǵy 426 metrlik kópir qurylysy aıaqtalyp jatqany habarlanǵan bolatyn.