Reseı men Grýzııa 10 qarashada DSU jónindegi kelisimge qol qoıady
ASTANA. 7 qarasha. QazAqparat - Grýzııa men Reseı Reseıdiń Dúnıejúzilik saýda uıymyna (DSU) ený máselesinde grýzııalyq taraptyń barlyq talaptary kórsetilgen ortaq naqty kelisimge keldi. Bul jóninde búgin brıfıngte Grýzııa syrtqy ister mınıstriniń orynbasary Nıno Kalandadze málimdedi.
Onyń sózine qaraǵanda, qujattardyń bári parafırlengen jáne 10 qarashada qol qoıylady, dep habarlaıdy FINMARKET.RU.
Kalandadze eskerip ótkendeı, qujatta reseılik-grýzııalyq shekara arqyly júk tasymalynyń halyqaralyq monıtorıngi júzege asatyn buǵan deıin esh baqylaýsyz bolǵan barlyq saýda dálizderi belgilengen.
«Kelisim oryndalyp, resmı qorytyndysyna jaqyndaǵany ásirese qýantady. Osy arqyly taýar tasymalyn naqty jáne sońǵy ret zań sheńberine baǵyndyratyn bolamyz», - dep eskerdi mınıstrdiń orynbasary.
