Reseı men Eýropa elderinde koronavırýs juqtyrǵandar sany ósti
Reseı Federatsııasynda KVI órship tur. Aýrý juqtyrý deregi men qaza tapqandar sany kún saıyn artýda. Bul tendentsııany tek Máskeý qalasynda ǵana oń baǵytqa ózgertý múmkin bolǵan. Pandemııa bastalǵannan beri 5,68 mıllıon COVID-19 juqtyrý deregi tirkelip, 140 000 adam qaıtys bolǵan. 18,5 mıllıon adam vaktsınanyń tolyq komponentin alǵan, 26,8 mıllıon azamat vaktsınanyń alǵashqy dozasyn aldy.
Vaktsınatsııany jedeldetýge baǵyttalǵan bıliktiń áreketi óz nátıjesin berýde - eger mamyr aıynda kúnine 300 myńǵa jýyq vaktsına salynsa, qazir bul san 674 myńǵa jetip otyr. Eger mundaı kórsetkish saqtalsa, Reseıdiń eresek turǵyndarynyń 60%-yna vaktsına egý úshin taǵy 80 kún qajet bolady.
Eýropada koronavırýs ınfektsııasyn juqtyrý jaǵdaılarynyń artýy tirkelip otyr. DDSU málimeti boıynsha, ótken aptada bul kórsetkish 10%-ǵa artty. Ósim 53 elde tirkeldi. Bul jaǵdaı EO memleketteri arasynda týrıstik saıahattardyń artýy saldarynan jáne COVID-19-dyń burynǵydan da juqpaly túri delta-shtammynyń tez taralýynan oryn alǵan. Sonymen qatar, DDSU ókilderiniń málimdemesi boıynsha, Eýropa elderi úkimetteriniń orasan zor ekpe saldyrý jumystaryna qaramastan, mıllıondaǵan adamdar vaktsınatsııa saldyrmaı otyr.
