Reseı men Belarýs birikken memleket qurýy múmkin jáne bul durys - Pýtın
ASTANA. 2 tamyz. QazAqparat - Reseı Federatsııasynyń Premer-mınıstri Vladımır Pýtın Reseı men Belarýs birikken memleketin qurý múmkin ekenin jáne buny óte durys dep sanaıdy.
Ol muny Tver oblysynda «Selıger-2011» jastar forýmyna qatysýshylarmen kezdesýi kezinde málimdedi, dep habarlaıdy RBK.
«Bul a) múmkin; b) óte durys; v) 100% tolyǵymen Belarýs halqynyń qalaýyna baılanysty», - dedi premer, Belarýspen birikken memleket qurý keleshegi jónindegi saýalǵa jaýap bere kelip.
Sonymen qatar RF Úkimetiniń basshysy: «Belarýste ár túrli kózqarastaǵy túrli adamdar turady, sondyqtan barlyǵynyń da pikirleri eskerilýi kerek", - dep moıyndady.
