Reseı men Belarýs arasyndaǵy qaýipsizdik kepildikteri týraly shart kúshine endi

ASTANA. KAZINFORM — Kelisimge qol qoıý rásimi 13 naýryzda prezıdent Aleksandr Lýkashenkonyń Máskeýge sapary kezinde ótti.

Договор о гарантиях безопасности в рамках Союзного государства между Россией и Беларусью вступил в силу
Фото: Беларусь президентінің баспасөз қызметі

Qujat eki eldiń, sondaı-aq jalpy Odaqtyń qaýipsizdigine shabýyl jasalǵan jaǵdaıda qajetti sharalardy júzege asyrýdyń ózara kepildikterin belgileıdi.

Mindettemelerdi oryndaý qaýipsizdikke qol suǵýdyń aldyn alý úshin taraptardyń basqa memlekettermen jáne halyqaralyq quqyqtyń basqa sýbektilerimen qarym-qatynasynyń áleýetin paıdalanýyn, jasalǵan basqynshylyq áreketterge ǵana emes, sonymen birge olardy jasaý qaýpine de jaýap qaıtarý sharalaryn qabyldaýdy, sondaı-aq qajetti áskerı, áskerı-tehnıkalyq jáne ózge de kómekti dereý kórsetýdi shamalaıdy.

— Taraptar Odaqtyq memlekettiń ortaq qorǵanys keńistigi aıasynda Belarýs pen Reseıdiń qaýipsizdigin nyǵaıtý maqsatynda zamanaýı syn-qaterlerge tıimdi áreket etý úshin birlesken kúsh-jigerdi arttyrýdy jalǵastyrady, — delingen BelTA agenttigi keltirgen málimdemede.

Agenttik atap ótkendeı, kelisimde kózdelgen yntymaqtastyq tereń sıpatqa ıe, ol qazirgi áskerı-saıası syn-qaterlerge sáıkes keledi.

Buǵan deıin habarlanǵandaı, Beıjińde juma kúni Qytaı, Iran jáne Reseı Syrtqy ister mınıstrlikteri ókilderiniń kezdesýi bastaldy.

Сейчас читают