Reseı men Belarýs 2011 jyldan bastap munaıǵa baj salyǵynyń kúshin joıady
ASTANA. 10 jeltoqsan. QazAqparat - Reseı men Belarýs 2011 jyldan bastap munaıǵa baj salyǵynyń kúshin joıady. Bul týraly BAQ ókilderine Belarýs Prezıdenti Aleksandr Lýkashenko Máskeýdegi EýrAzEQ Halyqaralyq keńesi májilisiniń qorytyndysy boıynsha málimdedi, dep habarlaıdy BELTA agenttigi.
Aleksandr Lýkashenko atap ótkendeı, Belarýs tarabynyń qatysýymen ótken EýrAzEQ Halyqaralyq keńesiniń búgingi májilisi aldynda «keıbir saqtyq sharalary» boldy.
Onyń sózine qaraǵanda, alǵa qaraı jyljý úshin kedergi keltiretin barlyq túsinbeýshilikterdi joıý kerek bolǵan. Mysalǵa, munaı jáne munaı ónimderine kedendik baj salyǵynyń máselesin sheshý kún tártibinde turypty.
