Reseı men AQSh Zaporoje AES-in Ýkraınanyń qatysýynsyz basqarýdy talqylap jatyr

ASTANA. KAZINFORM — Bul týraly Vladımır Pýtın reseılik bıznes ókilderimen ótken jabyq kezdesýde málimdegenin «Kommersant» gazeti jazdy, dep habarlady DW.

Onyń aıtýynsha, amerıkalyq tarap Zaporoje atom elektr stantsııasynda (ZAES) maınıngti uıymdastyrýǵa qyzyǵýshylyq tanytyp otyr. Sonymen qatar Pýtınniń sózinshe, AQSh-tyń bastamasymen taraptar Ýkraınany elektr energııasymen qamtamasyz etý múmkindigin de qarastyrdy.

Al 24 jeltoqsanda Ýkraına prezıdenti Vladımır Zelenskıı Kıev pen Vashıngton arasynda kelisilgen «bazalyq» beıbitshilik josparyn jarııalady. Bul jospardyń bir tarmaǵynda Zaporoje AES-in Ýkraına, AQSh jáne Reseıdiń birlesip paıdalanýyn kózdeıtin usynys bar.

Buǵan deıin Zelenskıı men AQSh delegatsııasy arasyndaǵy kelissóz 5 saǵattan asa ýaqytqa sozylǵanyn jazdyq.