00:34, 26 Naýryz 2025 | GMT +5
Reseı men AQSh kóshbasshylary arasynda kelissóz ótýi josparlanbaǵan – Peskov
ASTANA. KAZINFORM – Reseı prezıdentiniń baspasóz hatshysy Dmıtrıı Peskov Reseı men AQSh ázirge joǵary deńgeıdegi kelissózdi josparlap otyrǵan joq ekenin aıtty, dep habarlaıdy Kazinform reseılik BAQ-qa silteme jasap.

– Qazir joǵary deńgeıdegi kelissózder júrgizý josparda joq. Qajettilik bolsa, lezde uıymdastyrylatynyn bilesizder, – dedi Kreml ókili.
Ol sondaı-aq ázirge naqty málimetter taratýǵa áli erte bolsa da, Máskeý men Vashıngton ózara baılanysty jalǵastyratynyn atap ótti.
Aıta keteıik, Reseı delegatsııasynyń múshesi, Federatsııa Keńesi halyqaralyq ister jónindegi komıtetiniń basshysy Grıgorıı Karasın Er-Rııadtaǵy AQSh - Reseı kelissózi aıaqtalǵanyn málimdedi.
Reseımen kelissózdi aıaqtaǵan AQSh Ýkraınamen talqylaý júrgizip jatyr.