Reseı men AQSh kelissózi 24 naýryzda Er-Rııadta ótedi

ASTANA. KAZINFORM — Reseı delegatsııasy Saýd Arabııasynyń astanasyna Reseı-AQSh saraptamalyq toptarynyń josparlanǵan konsýltatsııalaryna qatysý úshin keldi, dep habarlaıdy TASS.

TASS aqparatyna sáıkes kezdesý 24 naýryz kúni tańerteń bastalady.

— Reseı delegatsııasy Er-Rııadqa keldi, kelissózder erteń tańerteń bastalady, — dedi Federatsııa keńesi Halyqaralyq ister komıtetiniń basshysy, delegatsııaǵa qatysýshylardyń biri Grıgorıı Karasın TASS aqparat agenttigine.

Eske salsaq, buǵan deıin Ýkraınanyń Qorǵanys mınıstri Rústem Ýmerov H áleýmettik jelisinde Saýd Arabııasynda AQSh-tyń delegatsııasymen kelissózder bastalǵanyn málim etti.