Reseı men AQSh kelissózi 20-21 jeltoqsanda Maıamıde jalǵasady
ASTANA. KAZINFORM — Reseı prezıdentiniń arnaıy ókili jáne Reseı tikeleı ınvestıtsııalar qorynyń bas dırektory Kırıll Dmıtrıev Florıda shtatynyń Maıamı qalasynda Ýkraına boıynsha kelissózder jergilikti ýaqyt boıynsha 20 jáne 21 jeltoqsanda jalǵasatynyn málimdedi, dep habarlaıdy TASS agenttigi.
- Talqylaý syndarly túrde júrip jatyr, - dedi Kırıll Dmıtrıev tilshilerge.
Reseıdiń tikeleı ınvestıtsııalar qorynyń basshysy Kırıll Dmıtrıev 20 jeltoqsanda AQSh prezıdenti Donald Tramptyń arnaıy ókili Stıv Ýıtkoffpen jáne Tramptyń kúıeý balasy Djared Kýshnermen kezdesý úshin Amerıka Qurama Shtattaryna bardy.
Budan buryn habarlanǵandaı, eki kúndik AQSh-Ýkraına kelissózi 20 jeltoqsanda Maıamıde aıaqtaldy. Ýkraına delegatsııasynyń basshysy, Ulttyq qaýipsizdik jáne qorǵanys keńesiniń hatshysy Rústem Ýmerov Maıamıde «amerıkalyq jáne eýropalyq seriktestermen» kezdesý ótkiziletinin jarııalady, biraq egjeı-tegjeıli aqparat bermedi.
Zelenskıı Maıamıde AQSh pen Ýkraına arasyndaǵy jańa kelissózder ótetinin málimdedi