Reseı men AQSh ǵaryshta 2020 jylǵa deıin yntymaqtaspaq
Tıisti buıryqqa burynyraq reseılik premer-mınıstr Dmıtrıı Medvedev qol qoıdy.
«Kelisimdi uzartý - Reseı Fedaratsııasynyń múddesine saı kelip otyr jáne eldiń ǵaryshtyq baǵdarlamalaryn tıimdi júzege asyrýǵa yqpal etedi, sondaı-aq birlesken reseılik-amerıkalyq ǵaryshtyq jobalardy, onyń ishinde Aı men Marsty zertteý boıynsha, eki eldiń ǵarysh apparattarynyń málimetteri turǵysynda aqparat almasýǵa múmkindik beredi»,-delingen atalǵan memlekettiń úkimeti taratqan málimette.
Aıta keteıik, Reseı men AQSh arasynda ǵarysh keńistigin zertteý men paıdalaný yntymaqtastyǵy jónindegi kelisim 1992 jyldyń 17 maýsymynda kúshine engen edi. Sodan beri 1997, 2002 jáne 2007 jyldary dıplomatııalyq notalardy almastyrý jolymen úsh márte uzartylǵan bolatyn. Tıisti notany amerıkalyq taraptan reseılik SІM qabyldady.
