Reseı men AQSh delegatsııalarynyń Saýd Arabııasyndaǵy kezdesýi qashan ótetini belgili boldy
ASTANA. KAZINFORM – Amerıkalyq jáne reseılik BAQ-tyń habarlaýynsha, Reseı men AQSh delegatsııalarynyń Saýd Arabııasynda kezdesýi seısenbi kúni ótedi, dep habarlaıdy VVS.
Bul týraly, atap aıtqanda, Axios portaly (eki derekkózge silteme jasaı otyryp) jáne «Kommersant» gazeti jazdy.
Kezdesýge amerıkalyq taraptan Memlekettik hatshy Marko Rýbıo, AQSh prezıdentiniń ulttyq qaýipsizdik jónindegi keńesshisi Maıkl Ýolts jáne Taıaý Shyǵys boıynsha arnaıy elshi Stıv Ýıtkoff qatysady dep josparlanyp otyr.
Ýıtkoff buǵan deıin Fox News-ke Ýoltts ekeýi jeksenbi kúni keshke Saýd Arabııasyna baratynyn habarlaǵan. Rýbıo ol jerge dúısenbi kúni Izraılden keledi.
Reseı delegatsııasyn kim basqaratyny resmı túrde habarlanǵan joq, biraq BAQ derekkózderi bul Reseı syrtqy ister mınıstri Sergeı Lavrov bolýy múmkin dep jazdy.
Oǵan sondaı-aq Reseı prezıdentiniń kómekshisi ıÝrıı Ýshakov pen Syrtqy barlaý qyzmetiniń dırektory Sergeı Naryshkın de qatysýy múmkin.
Buǵan deıin AQSh delegatsııasy Reseımen kelissóz júrgizý úshin Saýd Arabııasyna attanǵanyn jazǵan bolatynbyz.