Reseı men AQSh áýe lańkestigimen kúresý jónindegi «Qyraǵy qyran-2010» birlesken jattyǵýyn ótkizedi
ASTANA. Tamyzdyń 6-sy. QazAqparat - Reseı Federatsııasy men Qurama Shtattardyń aýmaqtarynda búgin, tamyzdyń 6-synda áýe lańkestigimen kúresý jónindegi «Qyraǵy qyran -2010» reseı-amerıkan jattyǵýynyń belsendi fazasy bastalady,
dep habarlaıdy ITAR -TASS agenttigi.
Jattyǵý barysynda «lańkester basyp alǵan ushaqty bir eldiń áskerı-áýe kúshteriniń baqylaýynan ekinshi eldiń kúshterine tabys etý» stsenarııi júzege asyrylady. Jattyǵýdyń negizgi shtattary Habarovski men Kolorado-Sıprıngste ornalassa, qosalqy shtabtary Petropavlovsk-Kamchatsk pen Alıaskadaǵy Ankorıdjde ornalasqan.
Jattyǵýǵa reseılik jáne amerıkandyq taraptar joıýshy ushaqtar men qashyqtyqtan radıolokatsııalaýshy ushaqtardy jumyldyryp otyr. Jattyǵýǵa qatystyrylatyn ushaqtar, qaýipsizdik maqsatynda zymyrandarmen jaraqtalmaıdy.
