Reseı men AQSh Alıaskadaǵy sammıtten keıin vedomstvolar deńgeıinde baılanys ornatyp jatyr

ASTANA. KAZINFORM – Bul týraly Reseı prezıdenti Vladımır Pýtın atom ónerkásibi qyzmetkerlerimen kezdesý barysynda aıtty, dep habarlaıdy Kazinform agenttigi TASS-qa silteme jasap.

– Baılanys bizdiń mınıstrlikterimizdiń, vedomstvolarymyzdyń, kompanııalarymyzdyń deńgeıinde jalǵasyp jatyr, - dedi Pýtın.

Osy oraıda Vladımır Pýtın Donald Tramppen Alıaskadaǵy kezdesýdiń qalaı ótkenin atap ótti. 

Reseı prezıdenti sondaı-aq Reseı Federatsııasy men AQSh arasyndaǵy qatynastyń tolyq qalpyna kelýin asyǵa kútetinin málimdedi. 

– Men alǵashqy jasalǵan qadamnyń bizdiń qatynasymyzdy tolyq qalpyna keltirýdiń tek bastamasy dep úmittenemin, - dedi Pýtın. 

Sonymen qatar Pýtın Reseıdiń suıytylǵan tabıǵı gazdy alý kontekstinde Amerıka Qurama Shtattarymen birlesip jumys isteý múmkindigin talqylap jatqanyn aıtty.

Eske sala keteıik, buǵan deıin Vladımır Pýtınniń Alıaskadaǵy Ankorıdj áýejaıyna barǵanyn jazǵan bolatynbyz. Sondaı-aq Vladımır Pýtın men Donald Tramptyń kelissózderi Alıaska shtatynyń Ankorıdj qalasyndaǵy «Elmendorf-Rıchardson» áskerı bazasynda ótip jatqanyn habarlaǵan edik.