Reseı memlekettik Dýmasynda plenarlyq otyrystardy fotoǵa túsirýge tyıym salyndy

ASTANA. KAZINFORM — 21 qańtardan bastap Reseı parlamentiniń tómengi palatasynda (Memlekettik Dýma) BAQ fotograftaryna plenarlyq otyrystardy túsirýge tyıym salyndy. Bul sheshim Dýmanyń spıkeri Vıacheslav Volodınniń depýtattardy mazaq etpeýge shaqyrǵannan keıin bir kún ótken soń qabyldandy.

Dýmanyń baspasóz qyzmeti akkredıttelgen BAQ fotograftaryna plenarlyq otyrys zalyndaǵy balkonnan túsirýge tyıym saldy. Buǵan deıin depýtattar men zań jobalaryn qaraýǵa qatysýshylardy sol balkonnan túsirip kelgen fototilshiler endi kirgizilmeıdi.

Al beıneoperatorlar áli de plenarlyq zaldaǵy arnaıy balkonnan jumys isteı alady. Baspasóz qyzmetiniń habarlaýynsha, bul balkon bastapqyda tek federaldyq telearnalardyń operatorlaryna arnalǵan bolatyn, al qazir sol bastapqy rejım kúshine endi.

Plenarlyq otyrystardy tek Dýmanyń fototilshisi túsiredi, onyń depýtattar otyrǵan zalyna tikeleı kirý múmkindigi bar. Sonymen qatar, plenarlyq otyrystardyń tikeleı translıatsııasy júrgiziledi, ony «kez kelgen adam kórip, tyńdaı alady».

Aıta keteıik, Reseıdegi qarttar úıi ólimge ákelgen tumaý saldarynan ýaqytsha jabyldy.