Reseı Memlekettik dýmasynda Máskeýdiń baılaryna salynatyn salyqty kóbeıtý usynyldy

MÁSKEÝ. QazAqparat – Memlekettik dýma vıtse-spıkeri, Reseı lıberal-demokratııalyq partııasynyń ókili Borıs Chernyshev Federaldy salyq qyzmetiniń basshysy Danııl Egorovqa hat joldap, jylyna 25 mln rýblden artyq tabatyn adamdar úshin kiris salyǵyn 20%-ǵa kóterýdi usyndy, dep habarlaıdy QazAqparat RIA Novostı-ge silteme jasap.

«Áleýmettik ádildikti arttyrý úshin baı adamdarǵa salyq mólsherlemesin kóbeıtetin kún jetti dep esepteımin. Jylyna 25 mln-nan kóp tabatyn, ıaǵnı aılyq tabysy 2 mln-nan asatyn azamattar 20% kóleminde salyq tóleýi qajet», - dep RIA Novostı hat mátininen úzindi keltiredi.

Onyń sózinshe, mundaı ózgeris negizinen Máskeýdiń baı turǵyndaryna qatysty bolady.

Sondaı-aq ol ınfraqurylym, abattandyrý, jańa saıabaqtar men balalar alańqaılary «baılyqqa salynǵan salyq» kómegimen qarjylandyrylýy kerek ekenin atap ótti.