Reseı Memlekettik Dýmasy natsıstik áreketterge baılanysty jaýapkershilikti kúsheıtti
ASTANA. 5 shilde. QazAqparat - Reseıdiń Memlekettik dýmasy birinshi oqylymda natsıstik árekettiń jaýapkershiligin kúsheıtý jóninde úkimettiń zańnamasyn maquldady.
Zańǵa natsıstik sımvolıka men ekstremıstik uıymdardardyń áreketterine jaza qoldaný jóninde tarmaq engizildi, dep habarlady reseılik jańalyqtar qyzmeti.
Zań birinshi kezekte aıyppuldardyń somasyn arttyrýdy qarastyrady. Qazirgi zańnamaǵa sáıkes natsıstik sımvolıkany nasıhattap, iske asyrǵany úshin salynatyn aıyppul 500-den 1000 rýblge deıin somany quraıdy.
Aıyppuldardyń jańa kólemi turǵyndar úshin 1 myńnan 2 myńǵa deıin, zańdy tulǵalar úshin 1 myńnan 4 myń rýblge deıin ósedi, al laýazymdy tulǵalar úshin aıyppul somasy 10 myńnan 50 myń aralyǵynda bolmaq.
