Reseı mektepterine adamgershilik páni engiziledi
ASTANA. 2 qyrkúıek. QazAqparat - 2012 jylǵy birinshi qyrkúıekten bastap reseılik tórtinshi synyp pen joǵarǵy synyptaǵy oqýshylar adamgershilik sabaqtaryna qatysady, onyń maqsaty - jeke adamnyń rýhanı jáne adamgershilik negizderine tárbıeleý bolmaq, dep habarlady RBK.
Mektep oqýshylaryna óz tańdaýy boıynsha eldegi dástúrli konfessııalary nemese zaıyrly etıka kýstary usynylady.
Balalarǵa din týraly maǵlumat berý qajettigi týraly pikirsaıys Reseıde 2006 jyldan beri ótkizilip keledi. Sol kezden beri jańa pándi RF-nyń birqatar aımaqtarynda engizý jónindegi eksperıment jalǵasýda.
Áýelde Reseı pravoslav shirkeýiniń maquldaýyna ıe bolǵan bastamada mektep oqýshylaryna Reseıdiń basty konfessııalary boıynsha tańdaý usynylǵan bolatyn. Oǵan zaıyrly etıka pánin qosý qoǵamdyq jurtshylyqtyń talap etýimen keıinirek paıda boldy.
Jyl basynda júrgizilgen mektep oqýshylary arasyndaǵy saýaldama nátıjesi boıynsha osy nusqa keń qoldaý taýyp otyr. Zaıyrly etıkany oqyp-úırenýge oqýshylardyń 47 paıyzy, pravoslav dinin oqýǵa 28 paıyzy, ıslamdy úırenýge 5,6 paıyzy ynta bildirdi.
Degenmen adamgershilik-tárbıe pániniń engizilýin reseı qoǵamynyń bir bóligi maquldamaı otyr. Olar jańa pánniń jeke adamdy tárbıeleýdegi tıimdiligine kúmán keltiredi jáne oqý júktemesinde negizgi pánderge nuqsan keledi dep sanaıdy.
