Reseı mektebindegi atystan qaza tapqandar sany 13 adamǵa jetti
IJEVSK. TASS-QazAqparat – Reseıdegi Ijevskide bolǵan atystan qaza tapqandar sany 13 adamǵa jetti. Olardyń arasynda 7 bala bar. 21 adam jaraqat aldy, onyń 14-i – balalar. Bul týraly Reseı Tergeý komıtetiniń baspasóz qyzmeti málim etti, dep habarlaıdy QazAqparat TASS agenttigine silteme jasap.
«Aldyn ala málimetter boıynsha, qurban bolǵandar sany 13 adamǵa jetti. Olardyń 6-y- eresek adam bolsa, 7-i – bala. Taǵy 14 bala men jeti eresek adam jaraqat aldy», - dep naqtylady Tergeý komıteti.
Buǵan deıin atalǵan qaıǵyly oqıǵadan 9 adamnyń qaza tapqany habarlanǵan bolatyn.
Reseı ІІM baspasóz qyzmeti málim etkendeı, atys uıymdastyrǵan er adamnyń máıiti tabyldy, ol óz-ózine qol jumsaǵan.«Polıtsııa oq atqan er adamnyń máıitin tapty. Qolda bar málimetter boıynsha, ol óz-ózine qol jumsaǵan», - dedi vedomstvonyń baspasóz qyzmeti. Tergeý komıteti bul aqparatty rastady.
Reseıdiń Udmurtııa respýblıkasyndaǵy Ijevsk mektebinde bolǵan atystan keıin 26-29 qyrkúıek aralyǵy aza tutý kúni bolyp jarııalandy.
Foto: Ilıas Bekmansýrov/TASS
