Reseı mektebinde jasóspirim oqýshylarǵa oq jaýdyrǵan
SANKT-PETERBÝRG. TASS-QazAqparat – Reseıdiń Sankt-Peterbýrg qalasynda jasóspirim mektepke tapansha alyp kelip, oqýshylarǵa atqan, QazAqparat bul týraly TASS agenttigine silteme jasap habarlaıdy.
«Ordjonıkıdze kóshesinde ornalasqan mektepke oqýshylardyń biri pnevmatıkalyq pıstolet alyp kelgen. Atalǵan mekenjaı boıynsha barǵan polıtsııa qyzmetkerlerine qońyraý shalǵan áıel túsindirgendeı, 2005 jyly týǵan oqýshy kıinip-sheshiný bólmesinde oqýshylarǵa qarsy birneshe ret oq atqan», - delingen Іshki ister mınıstrliginiń málimetinde.
Vedomstvo aqparatyna sáıkes, oqıǵa senbi kúni bolǵan. Zardap shekkender joq. Jasóspirimniń qolynan pıstoletti muǵalimder ala alǵan. Balanyń ózi qashyp ketken. Keıin polıtsııa bólimshesine ony anasy alyp kelgen. Qylmystyq is qozǵaý máselesi qaralýda.
