Reseı quramasynan Eýro-2016-nyń irikteý kezeńderinde 6 upaı shegerilýi múmkin
ASTANA. 14 maýsym. QazAqparat - Reseı quramasyna Eýropanyń kelesi chempıonattarynyń irikteý kezeńderinde alty upaıǵa aıyp qoıylýy múmkin. Jazalaý «Eýro-2016»-nyń túıispe matchtary aıaqtalǵanǵa deıin shartty sıpatqa ıe.
Bul týraly ÝEFA-nyń baspasóz qyzmetinen habarlady.
«ÝEFA-nyń baqylaý-tártiptik ınstantsııasy Reseı fýtbol quramasynan Eýropa chempıonatynyń kelesi irikteý kezeńinde alty upaıdy alyp tastaý sheshimin qabyldady. Jazalaý shartty sıpatqa ıe jáne onyń merzimi osy ýaqyttan bastap «Eýro-2016» kvalıfıkatsııasyndaǵy túıispe matchtar aıaqtalǵanǵa deıin kúshine ıe», - delingen taratylǵan habarlamada.
Reseı fýtbol odaǵyna sondaı-aq 20 myń eýroǵa aıyppul salyndy. Mundaı sheshim Vrotslavta chehtarmen ótken match kezinde reseılik jankúıerlerdiń tártipsizdikterine jaýap retinde qabyldandy. Ol kezde reseılik fanattar alańǵa pırotehnıkalyq qurylǵylardy laqtyryp, namysqa til tıgizetin bannerlerdi kórsetken bolatyn.
