Reseı quramasy Eýro-2012-de súrindi, Dık Advokat komandamen qosh aıtysady
ASTANA. 17 maýsym. QazAqparat - Reseı quramasy toptyq kezeńniń 3-shi týrynda grekterge ese jiberip, "Eýro-2012" chempıonatynan shyǵyp qaldy.
Oıynnyń birinshi kezeńinde eki quramada nátıjesiz shabýyldar jasady. Aıta keterligi, ásirese orystar tarabynan shabýyldar kóp boldy. Degenmen birinshi taımǵa qosylǵan mınýttyń sońǵy sekýndtarynda Reseı komandasynyń qorǵaýshysy Sergeı Ignashevıchtiń óreskel qateliginen keıin sýyrylyp alǵa shyqqan grek jartylaı qorǵaýshysy Gıorgıos Karagýnıs qaqpa sańylaýyn tapty. Al ekinshi taımda eki qurama da esep asha alǵan joq.
"A" tobyndaǵy kelesi oıynda Chehııa mn Polsha quramalary kezdesip, chehtar 1:0 esebimen basym tústi. Toptyq kezeńniń qorytyndysy boıynsha, Chehııa 6, Grekııa men Reseı 4 upaıdan, al Polsha 2 upaı jınady. Degenmen sońǵy oıynda grekter orystardan basym túskendikten pleı-offqa joldama aldy.
Aıta keterligi, orystar dopqa kóp ıelik etip, grekter qaqpasyna 25 márte soqqy baǵyttaǵanymen birde bir gol soǵylmady. Al Varshava stadıonyna quramasyn qoldaýǵa kelgen orys jankúılerleriniń kóptigi de olarǵa dem bere almady.
Este bolsa "Eýro-2012"-niń birinshi kúninde-aq Reseı quramasy Chehııany 4:1 esebimen oısyrata utyp, polıaktarmen esebimen teń túsken edi.
Reseıdiń barlyq buqaralyq aqparat quraldary da quramalarynyń shırek fınalǵa shyǵytyndyǵyna senimdi boldy. "Reseı teń oınaıdy. Eń bastysy, grekterge utylmaý kerek, al bul op-ońaı ǵoı", - dep jar saldy reseılik komentatorlar.
Al Reseı quramasynyń jattyqtyrýshysy Dık Advokat komandamen qosh aıtysyp, endigi ýaqytta gollandııalyqtarmen jumys isteıtin bolady. Reseı fýtbol odaǵynyń prezıdenti Sergeı Fýrsenko shildeniń alǵashqy jartysynda-aq jańa jattyqtyrýshynyń esimin ataýǵa ýáde berip otyr.
