Reseı KSRO qaryzyn óteýdi jyl sońyna deıin aıaqtaıdy
ASTANA. QazAqparat -Reseı Keńes odaǵynyń syrtqy qaryzdaryn óteýdi aıaqtaý ústinde, sońǵy transh Bosnııa jáne Gertsegovınaǵa jyl sońyna deıin tólenedi, dep jazdy «Izvestııa» gazeti reseılik Qarjy mınıstrligine silteme jasap.
Mınıstrlik ótken aptada KSRO-nyń 60,6 mıllıon dollar kólemindegi Makedonııa aldyndaǵy qaryzyn ótegenin habarlady jáne osy kúni onyń syrtqy qaryzy tek Bosnııa men Gertsegovına aldynda qalyp otyrǵanyn atap ótti. Eki memleket te ıÝgoslavııa taraǵannan keıin qurylǵan jáne burynǵy KSRO-dan qaryzyn talap etý quqyǵyn alǵan.
«Tehnıkalyq turǵyda kelisim daıyn tur, memleketter ony parafırledi. Endi tek qol qoıý kerek, bul aldaǵy jaqyn ýaqyttyń máselesi», - dedi basylymǵa úkimettegi aqparat kózi.
Sonymen birge, Qarjy mınıstrliginiń baspasóz qyzmeti atalmysh boryshty óteý memleket qaryzyn retteý úshin 2017 jylǵy bıýdjette qarastyrylǵan qarajat esebinen júzege asyrylatynyn rastady.
