Reseı: «Krokýs sıtı holda» lańkestik jasaǵandardyń úsh sybaılasy ustaldy
ASTANA. KAZINFORM – Reseıdiń Federaldyq qaýipsizdik qyzmetkerleri Máskeý, Ekaterınbýrg jáne Omby qalalarynan «Krokýs sıtı holdaǵy» lańkestik áreketke qatysy bar úsh adamdy ustady. Bul týraly RF FQQ-nyń qoǵammen baılanys ortalyǵy habarlady, dep jazady TASS aqparat agenttigi.
«2024 jyldyń 22 naýryzynda Máskeý, Ekaterınbýrg, Omby qalalarynda «Krokýs sıtı holl» kesheninde jasalǵan lańkestik áreketke qatysy bar Reseı azamaty men eki sheteldik azamat ustaldy. Olardyń barlyǵy Ortalyq Azııa aımaǵynan shyqqan ımmıgranttar», - dep habarlady FQQ.
Jedel izdestirý is-sharalary barysynda ustalǵandardyń ekeýi lańkestik árekette paıdalanylǵan qarý-jaraq pen kólikterdi satyp alý úshin aqsha aýdarǵany, úshinshisiniń lańkestik áreketke sybaılastardy tartýǵa jáne ony iske asyrýshylardy qarjylandyrýǵa tikeleı qatysy bar ekeni anyqtaldy.
