Reseı kovıdten kóz jumǵandar sany boıynsha jańa rekord ornatty
MÁSKEÝ. QazAqparat – Reseıde sońǵy táýlikte koronavırýstan qaıtys bolǵandar sany rekordtyq kórsetkishke jetti – 968 adam. Bul pandemııa bastalǵan ýaqyt ishindegi absolıýtti maksımým, dep habarlaıdy QazAqparat jedel shtabtyń Telegram-kanalyna silteme jasap.
Koronavırýstan kóz jumǵandar sany boıynsha jańa táýliktik rekord ornaǵan. Tórt kún qatarynan bir táýlikte qaıtys bolǵandar sany 900 adamnan asyp otyr.
Sondaı-aq, sońǵy táýlikte Reseıdiń 85 óńirinde 29 362 adam koronavırýs juqtyrǵan. 8,9 protsentinde klınıkalyq aýrý belgileri baıqalmaǵan. 21049 naýqas tolyqtaı aıyǵyp shyqqan.
Aýrý juqtyrǵandardyń basym bóligi Máskeýde (6001), Sankt-Peterbýrgte (2717) jáne Máskeý oblysynda (1689). Eń azy – Magadan oblysynda (21), Nenets avtonomdy okrýginde (16) jáne Chýkotsk avtonomdyq okrýginde (15).
