Reseı kóshelerinde jappaı qulshylyq etýge tyıym salyndy
ASTANA. 19 qańtar. QazAqparat - RF Ádilet mınıstrligi qolǵa alǵan zań jobasy boıynsha dindarlar dinı rásimderdi budan bylaı arnaıy qulshylyq oryndarynda, beıit basynda jáne árkim óz úıinde ǵana oryndaı alady.
Ózge jaǵdaılarda qulshylyq etý úshin mıtıngiler men sherýlerdi ótkizýdiń tártibin saqtap, tıisti oryndardan ruqsat alýyńyz kerek. Jergilikti bıliktiń ruqsatynsyz musylmandardyń ataýly kúnderinde kóshege shyǵyp, ózgelermen birge ǵıbadat ete almaısyz. Óıtkeni, jańa zań boıynsha tıisti orynnyń ruqsatynsyz kóshede jappaı qulshylyq etý zańsyz sherýge shendestirilgen.
muslim.kz saıtynyń jazýynsha, Ádilet mınıstrligi «Ar-ojdan bostandyǵy jáne dinı birlestikter týraly» federaldy zańǵa ózgerister engizýdi kózdep otyr. ıAǵnı, dinı mańyzy bar buqaralyq is-sharalardyń ótetin orny men sıpatyna qaraı zańǵa jarııa túrde ótetin dinı rásimderge qatysty uǵym engizilmek. Jarııa túrde ótetin dinı rásimder uǵymyna «úshinshi tulǵanyń qatysýyna múmkindik berilgen dinı rásimder men is-sharalar, sonyń ishinde, qulshylyq etý, dinı mańyzy bar basqosýlar» dep anyqtama berilgen.
Qujatta arnaıy ruqsat alýdy qajet etpeıtin qulshylyq etýdiń jáne ózge dinı rásimderdiń, sonyń ishinde, dinı mańyzy bar buqaralyq is-sharalardyń ótetin oryndardyń tizimi keltirilgen. Bul tizimge dinı maqsatta paıdalanylatyn ǵımarattar men dinı uıymdardyń qaraýyndaǵy jekemenshik jer telimderi, qajylyq oryndary, beıitter men turǵyn úıler kirgen.
Belgilengen terrıtorııadan tys aýmaqta jarııa túrde júzege asyrylatyn dinı rásimderdi ótkizý úshin atqarýshy bıliktiń nemese jergilikti ózin-ózi basqarý mekemesinen mıtıngiler men sherýler ótkizý týraly zańǵa sáıkes ruqsat alý kerek.
ÝMMA aqparat agenttigi habarlaǵandaı, Reseıge keletinderge qujat úshin sharıǵat talaptaryna saı kıinip sýretke túsýge ruqsat etilgen.
