Reseı koronavırýsqa qarsy jappaı vaktsınatsııalaýdy qazan aıynda júrgizbek
MÁSKEÝ. TASS – QazAqparat – Reseıdiń N.F.Gamaleıa atyndaǵy Epıdemıologııa jáne mıkrobıologııa ulttyq zertteý ortalyǵy ázirlegen kornavırýs ınfektsııasyna qarsy vaktsınanyń synaqtan ótkizildi. Ony tirkeýge arnalǵan qujattar daıyndalýda, dep habarlaıdy QazAqparat TASS agenttigine silteme jasap.
«Gamaleıa ortalyǵy ázirlegen koronavırýs ınfektsııasyna qarsy vaktsınany synaqtan ótkizý aıaqtaldy. Qazir tirkeý rrásimine arnalǵan qujattar paketi daıyndalýda», - dedi RF Densaýlyq saqtaý mınıstri Mıhaıl Mýrashko.
Mınıstrdiń aıtýynsha, ortalyq ázirlegen koronavırýs ınfektsııasyna qarsy preparat birinshi bolyp medıtsına qyzmetkerleri men muǵalimderge salynady.
Mýrashko Reseıdiń Densaýlyq saqtaý mınıstrligi koronavırýsqa qarsy jappaı vaktsınatsııalaýdy qazan aıynda bastaıtynyn habarlady.
Mınıstr Reseıdiń tutynýshylar quqyǵyn qadaǵalaý jónindegi «Vektor» vırýsologııa jáne bıotehnologııa memlekettik ǵylymı ortalyǵy ázirlegen taǵy bir vaktsına klınıkalyq zertteý satysynda ekenin aıtty.
Sonymen qatar, Reseı Densaýlyq saqtaý mınıstrligi aldaǵy 1,5-2 aıda koronavırýsqa qarsy taǵy eki vaktsınany eriktilerge klınıkalyq synaqtar júrgizýge ruqsat alýǵa ótinish beremiz dedi.
