Reseı koronavırýs juqtyrǵandar sany jaǵynan Qytaıdan ozdy
NUR-SULTAN. QazAqparat – Reseıde keshe 6 198 adam koronavırýs indetin juqtyrǵany belgili boldy. Aal búkil el boıynsha olardyń sany 87 147-ge jetti, dep habarlaıdy QazAqparat TASS agenttigine silteme jasap.
Osylaısha, Reseı koronavırýs juqtyrǵan adamdar sany boıynsha Qytaıdan ozyp ketti. Qytaıda qazirgi kezde aýrý juqtyrýǵa qatysty 84,5 myń jaǵdaı tirkelgen. Bul týraly Koronavırýs ınfektsııasynyń taralýyna qarsy kúres jónindegi jedel shtabtyń dúısenbi kúni taratqan málimetinde aıtylǵan.
«Reseıdiń 85 óńirinde koronavırýs ınfektsııasyn juqtyrýǵa qatysty 87 147 jaǵdaı tirkeldi. Sońǵy táýlikte 579 adam aýrýhanadan shyǵaryldy, osy ýaqytqa deıin 7 346 adam jazyldy. Keshe koronavırýstan 50 adam qaıtys boldy. Jalpy alǵanda, Reseıde jańa vırýstan 794 adam kóz jumdy», - delingen shtabtyń habarlamasynda.
Infektsııa juqtyrǵan adamdardyń 43,3 paıyzynda (2 693 adam) aýrýdyń esh belgisi bolmaǵan.
Shtabtyń málimetinshe, Reseıde koronavırýs juqtyrǵan adamdar sanynyń bir táýlikte ósýi 7,66 paıyzǵa deıin azaıǵan.
