Reseı koronavırýs juqtyrǵandar sany boıynsha álemde ekinshi orynǵa shyqty
MÁSKEÝ. TASS-QazAqparat – Reseıde jańa koronavırýs ınfektsııasyn juqtyrǵandar sany 232 243-ke jetti, dep habarlady seısenbi kúni indetpen kúres federaldy jedel shtaby. Resmı rastalǵan jaǵdaılar sany boıynsha Ispanııadan ozyp, álem boıynsha ekinshi orynǵa shyqty, dep jazady TASS.
Onyń ústine koroldik sáýirdiń sońynan bastap resmı statıstıkaǵa tek PTR-test nátıjelerin engizedi, biraq buǵan deıin antıdenege tapsyrǵan test nátıjeleri de esepteletin. Sol sebepti, indetke shaldyqqandardyń resmı sany azaıdy: eger 25 sáýirde 223,7 myń jaǵdaı týraly habarlansa, 26 kúni tek 207,6 myń adam týraly aıtyldy. Ispanııa densaýlyq saqtaý mınıstrliginiń habarlamalarynda antıdene testi týraly aqparat bolmaǵanymen, keıbir BAQ bul kórsetkishterdi de qatar berip júr.
Sońǵy táýlikte Reseıde ınfektsııa juqtyrǵan taǵy 10 899 adam anyqtaldy, dúısenbi kúni 11 656 jaǵdaı habarlanǵan bolatyn. Іndet taraı bastaǵan ýaqyttan beri táýliktik ósý qarqyny eń tómengi deńgeıge - 4,92%-ge jetti (bir kún buryn 5,56% boldy).
Qazir reseılik 100 myń azamatqa 158 juqtyrý oqıǵasy sáıkes keledi. Ispanııada bul kórsetkish joǵary – 487-ge jetedi.
Máskeýde ınfektsııa juqtyrǵandar sany 4,65%-ǵa artty. Eń tómengi kórsetkish 21 naýryz kúni tirkeldi. Sol kúni Reseıde shamamen 300 juqtyrý oqıǵasy ǵana anyqtaldy. Sol kezde kórsetkish 4,58% bolǵan.
Oǵan qosa elde koronavırýsqa test tapsyrǵan adam sany artyp jatyr. Bir táýlikte 168 myń taldaý jasalsa, testten ótken adamdardyń jalpy sany 5,8 mln.
Reseıde koronavırýstan jazylyp shyqqandar sany 18%-dan 18,7%-ǵa artty, táýlik ishinde 3 711 naýqas aýrýhanadan shyǵaryldy. Jalpy elde 43 512 adam dertti jeńip shyqty.
Ókinishke qaraı, jańa vırýstan 2 116 adam qaıtys boldy, onyń 107-i ótken táýlikte tirkelgen.
