Reseıde ken orny opyryldy: segiz adam qalyp qoıýy múmkin
ASTANA.KAZINFORM — Magadan oblysyndaǵy Kadykchan ashyq kómir shahtasynda tas kóshkini boldy, dep habarlaıdy TASS.
— Aldyn ala aqparat boıynsha, úıindi astynda segiz adamǵa deıin qalyp qoıýy múmkin, — dep habarlady Reseı Tótenshe jaǵdaılar mınıstrligi.
Órt sóndirýshiler, shahta qutqarýshylary jáne medıtsına qyzmetkerleri qulaǵan jerge jiberildi. On alty qyzmetker jáne alty tehnıka jumyldyrylǵan.
Oqıǵanyń sońǵy sebebi mamandar qulaǵan jerdi teksergennen keıin anyqtalady.
Reseı Federatsııasynyń Magadan oblysy boıynsha Tergeý komıtetiniń tergeý organdary Reseı Qylmystyq kodeksiniń 216-babynyń 3-bóligi boıynsha (qurylys jáne basqa da jumystardy júrgizý kezinde qaýipsizdik erejelerin buzý, eki nemese odan da kóp adamnyń abaısyzda qaza tabýy) qylmystyq is qozǵady.
Buǵan deıin Býrıatııada kóshkin kezinde Qazaqstan azamatynyń qaza tapqany habarlanǵan bolatyn.
