Reseı qazaqtary Naýryz meıramyn toılady

NUR-SULTAN. QazAqparat – «Otandastar qory» Reseıdiń Qazan qalasyndaǵy Bas konsýldyǵymen birge Naýryz merekesine oraı dýman uıymdastyrdy, dep habarlaıdy QazAqparat.

Reseıde Qazan, Ekaterınbýrg, Ýfa qalalarynda qazaqtardyń qoǵamdyq birlestikteri jumys isteıdi. «Otandastar qorynyń» habarlaýynsha, Naýryzǵa arnalǵan is-sharaǵa osy 3 óńirdiń ókilderi qatysty.

«Bul is-shara qazaq tilin damytý, mádenı murany nasıhattaý, Reseıdegi qazaq dıasporasymen mádenı-gýmanıtarlyq baılanystardy nyǵaıtý, damytý jáne keńeıtý máselelerin talqylaýǵa jaqsy sebep boldy. Sharanyń kórkin jergilikti shyǵarmashylyq ujymdar usynǵan qoıylymdar kirgizdi», - delingen «Otandastar» qorynyń málimetinde.

Dýman barysynda qazaqtyń uly aqyny, aǵartýshy Abaıdyń 175 jyldyq mereıtoıyn merekeleýge belsene qatysqan jáne eki el arasyndaǵy mádenı yntymaqtastyqty nyǵaıtýǵa úles qosqan azamattarǵa Qazaqstanyń Mádenıet jáne sport mınıstriniń Qurmet gramotalary tabystalǵan.

Buǵan deıin habarlanǵanymyzdaı, Memleket basshysy Qasym-Jomart Toqaev qazaqstandyqtardy Naýryz merekesimen quttyqtady.

Álem juldyzdarynyń atynan da túrli quttyqtaýlar túsip jatyr.