Reseı Qazaqstannyń qurǵaq jemisteri men raýshan gúlderin kirgizýge tyıym saldy
ASTANA. QazAqparat - Qazaqstan men Qyrǵyzstannyń 50 tonnaǵa jýyq ónimin Reseı Federatsııasynyń aýmaǵyna kirgizýge tyıym salyndy.
Reseı Aýyl sharýashylyǵyn baqylaý basqarmasynyń Novosibir oblysy boıynsha ınspektorlary Qyrǵyzstannyń qyryqqabaty, sábizi jáne Qazaqstannyń jalpy salmaǵy 48 tonna bolǵan qurǵaq jemisterin aımaqqa kirgizýge tyıym saldy, dep habarlady basqarmanyń baspasóz qyzmetinen.
«Joǵaryda atalǵan ónimderdiń fıtosanıtarlyq sertıfıkattarynyń joq ekeni anyqtaldy. Sol sebepten Qazaqstannan jemisterdiń 500 kósheti men raýshan gúliniń 8 myń kóshetin kirgizýge tyıym salyndy.
Halyqaralyq karantın zańnamasynyń talaptaryna sáıkes, ónimdi Reseı Federatsııasynyń aýmaǵyna kirgizýge tyıym salynǵan. Júkter keri qaıtaryldy», - dep jazylǵan habarlamada.
