Reseı Qazaqstannyń et ónimderine shekteýlerin alyp tastady
ASTANA. QazAqparat - 2016 jyldyń 2 qyrkúıek aıynan bastap Reseı Federatsııasy aýyl sharýashylyq janýarlary men et ónimderin Qazaqstan Respýblıkasynan esportqa shyǵarylýyna shekteýler alynyp tastaldy. Bul týraly QR AShM baspasóz qyzmeti habarlady.
Ekijaqty kelissózder nátıjesinde Qazaqstan kórshi elge et ónimderin sata alatyn boldy.
Sonymen qatar, Halyqaralyq epızootııalyq bıýronyń jer janýarlary Sanıtarlyq kodeksiniń usynymdaryna sáıkes Rosselhoznadzor Qazaqstan Respýblıkasy Atyraý oblysyndaǵy toraptyq dermatıttiń oshaqtary tirkelýine baılanysty qoıylǵan shekteýleri jeńildetildi.
2016 jyldyń 5 qyrkúıek aıynan bastap Qazaqstan Respýblıkasynan (Atyraý oblysynan basqa aımaqtardyń barlyǵy) iri qara mal men odan jasalǵan barlyq ónimder túrlerin Reseı Federatsııasyna HEB jer janýarlarynyń Sanıtarlyq Kodeksiniń talaptaryna kepildik beretin veterınarlyq sertıfıkattary bar bolǵan jaǵdaıda, sonymen birge mindetti túrde iri qara mal jáne odan jasalǵan ónimderdiń qazaq-reseı shekarasynda ornalasqan aldyn ala tekserý pýnkterinen ótkizilgen kezde jáne HEB jer janýarlarynyń sanıtarlyq kodeksiniń talaptaryn saqtalynýyna sáıkes esportqa shyǵarylatyn bolady.
Aıta ketsek, Qazaqstan Respýblıkasynyń aýmaǵynda pasterellez men toraptyq dermatıt oshaǵynyń anyqtalýyna baılanysty Reseı Federatsııasy aýyl sharýashylyq janýarlaryn jáne odan jasalǵan ónimderdi eksportqa shyǵarylýyna shekteýler qoıǵan.
