Reseı Qazaqstannan jiberilgen 24 tonna sútti kirgizbeı qoıdy
ASTANA.KAZINFORM – «Rosselhoznadzor» Omsk oblysyna Qazaqstannan jiberilgen iri kólemdegi sútti kirgizbeı qoıdy.
Resmı málimetke sáıkes, 2025 jylǵy 17 qyrkúıekte «Isılkýl» ótkizý pýnktinde shamamen 24 tonna pasterlengen sıyr súti tıelgen júk kóligi toqtatyldy. Ónim Kókshetaýdaǵy «Sadovoe» JShS-da óndirilip, Omby oblysyndaǵy «Sút ınvestıtsııalyq kompanııasyna» jetkizilýi tıis bolǵan.
Tekserý barysynda ilespe qujattarda sáıkessizdik anyqtaldy. Rosselhoznadzordyń Omby oblysy boıynsha basqarmasynyń habarlaýynsha, sút ónimi Eýrazııalyq ekonomıkalyq odaqtyń veterınarlyq sertıfıkatymen rásimdelgen, alaıda qujatta qate ketken. Naqtyraq aıtqanda deklaratsııada kórsetilgen 5 táýliktiń ornyna jaramdylyq merzimi 1 táýlik bolyp jazylǵan.
Endi taýar qujattaǵy qatelikter túzetilgennen keıin ǵana jiberiledi. Al taýardy jibergen kásiporyn ákimshilik jaýapkershilikke tartyldy.
Osyǵan deıin Qazaqstannyń Qytaıǵa túıeniń qurǵaq sútin eksporttaı bastaǵany týraly jazdyq.