Reseı Qazaqstannan keletin qus etine shekteýdi alyp tastady

NUR-SULTAN. QazAqparat - Reseıdiń «Rosselhoznadzor» qazaqstandyq bes kásiporynnan shekteýdi alyp tastaıdy, dep habarlaıdy QazAqparat QR AShM baspasóz qyzmetine silteme jasap.

«QR AShM Veterınarlyq baqylaý jáne qadaǵalaý komıtetine RF veterınarlyq jáne fıtosanıtarlyq qadaǵalaý jónindegi Federaldyq qyzmetinen bes qazaqstandyq kásiporynnan ýaqytsha shekteýlerdi alyp tastaýǵa qatysty hat kelip tústi», delingen habarlamada.

QR AShM VBKK men Rosselhoznadzor arasynda ótkizilgen beınekonferentsııa barysynda qol jetkizilgen ýaǵdalastyqtarǵa sáıkes, sondaı-aq komıtet bergen kepildikterdi eskere otyryp, Rosselhoznadzor 21 tamyzdan bastap kelesi qazaqstandyq kásiporyndardan ýaqytsha shekteýlerdi alyp tastady: «Óskemen qus fabrıkasy» AQ, JShS «ADM Investment», JShS «Ordabasy-Qus», JShS «Parıj kommýna XXI», UKP JShS «Kazakh Osseter».

Sondaı-aq Veterınarlyq baqylaý jáne qadaǵalaý komıteti 15 qazaqstandyq kásiporyndardan 3 aılyq merzimniń aıaqtalýyna baılanysty kúsheıtilgen zerthanalyq baqylaý rejimin alyp tastady: JShS «MıasKom», JShS «Kýbleı», JShS «Kýzmıch», JShS «SeıNAR», JK «Kalının M.S.», JShS «Sharbaqty qus», JShS «Kaspıı balyq», JShS «Óskemen», JShS «Kompanııa Kamerton», JShS «Molprodýkt», JShS «Sergeevka sút ónimderi», PK «Almaty balyq zaýyty», JShS «Magic fish», JShS«Elıps Sıfýd», JShS «Solıarıs sıfýd».

Osynyń arqasynda joǵaryda atalǵan kásiporyndar reseılik seriktestermen saýda qatynastaryn qalpyna keltirip, óz ónimderin eksporttaı alady.