Reseı Qazaqstandaǵy AES qurylysy boıynsha óz mindettemelerin tolyq oryndaıdy

MÁSKEÝ. KAZINFORM – Reseı Qazaqstandaǵy alǵashqy atom elektr stantsııasyn salý boıynsha óz mindettemelerin ýaqytynda jáne tolyq oryndaıdy. Bul týraly Reseıdiń Syrtqy ister mınıstri Sergeı Lavrov QR Syrtqy ister mınıstri Ermek Kósherbaevtyń resmı saparyndaǵy kezdesýde aıtty.

– Reseı Qazaqstannyń jetekshi saýda seriktesteriniń qatarynda jáne Qazaqstan ekonomıkasyna iri ınvestor sanalady. Jylý jáne gıdroenergetıkadaǵy birlesken jobalar arqyly energetıkalyq qaýipsizdikti qamtamasyz etýge kóp kóńil bólinip otyr. Biz bıylǵy maýsym aıynda reseılik «Rosatom» memlekettik korporatsııasyn respýblıkadaǵy birinshi atom elektr stantsııasyn salý jónindegi halyqaralyq konsortsıýmnyń kóshbasshysy etip tańdaǵanyn quptadyq. Men áriptesime osy saladaǵy barlyq mindettemelerimizdi ádil oryndaýǵa daıyn ekenimizdi rastadym. Óz merziminde jáne tolyǵymen, – dedi S. Lavrov ekijaqty kezdesý qorytyndysy boıynsha brıfıngte.

Sondaı-aq reseılik SІM basshysy eki eldiń Qazaqstanda atom elektr stantsııasyn salýdyń tehnıkalyq, qarjylyq jáne quqyqtyq parametrlerin talqylap jatqanyn aıtty.

– Qazirgi ýaqytta beıindi vedomstvolar jelisi boıynsha tehnıkalyq jáne qarjylyq parametrlerdi, sondaı-aq zań turǵysynan pysyqtaý júrgizilip jatyr, – dedi S. Lavrov.

Aıta keteıik, elimizdiń Syrtqy ister mınıstri Ermek Kósherbaev Reseı Federatsııasyna resmı saparmen bardy.