Reseı Qazaqstanda úsh JEO salsa, AES salýdan shettetile me

ASTANA. KAZINFORM – Reseı Qazaqstanda úsh jylý-elektr ortalyǵyn salý múmkindik alǵany úshin AES salý jobasyna qatystyrylmaı ma? Astana turǵyndarymen kezdesý aldynda ótken baspasóz máslıhatynda Energetıka mınıstri Almasadam Sátqalıevke osyndaı suraq qoıyldy. Vedomstvo basshysy AES-ti qaı eldiń salatyny tek referendýmnan keıin ǵana belgili bolatynyn aıtty.

«Qazaqstan energetıka júıesiniń negizgi prıntsıpi óz-ózin tolyqtaı qamtý. ıAǵnı, energetıkalyq qaýipsizdik máselesi ekonomıkalyq qaýipsizdik máselesimen birge basym baǵdarǵa ıe. Reseı salatyn úsh jylý elektr ortalyǵy negizinen kómir tutynady. ıAǵnı, oǵan qajetti otynnyń negizgi bóligin qazaqstandyq jetkizýshiler beredi. Ekologııalyq paıymdardy eskerip, gazben de jumys isteıtindeı etip jobalap jatyrmyz. ıAǵnı, kez kelgen ýaqytta balama qýat kózine jalǵaı alamyz. Jobada qazaqstandyq otyn qoldanylatyny naqtylanǵan. Al atom elektr stansasyna kelsek, referendým qorytyndysyn kúteıik. Aldyn ala kelisimder nemese sheshimder joq. Bul tolyqtaı ashyq protsess bolady. Referendým negizinde Úkimet vender tańdaýda birinshi kezekte ulttyq múddeni eskere otyryp sheshim qabyldaıdy», - dedi mınıstr.

Aıta keteıik, buǵan deıin QR Energetıka mınıstri Almasadam Sátqalıev Qazaqstannyń shyǵys óńirlerine Reseıden gaz tartýdyń naqty jobasy qarasha aıynda belgili bolatynyn aıtty.