Reseı Qazaqstan júrgizýshilerine 180 kúndik rejım engizdi
ASTANA. KAZINFORM — ASTANA. KAZINFORM — Reseı úkimeti Grýzııa men TMD elderinen, sonyń ishinde Qazaqstannan kelgen kásibı júrgizýshilerdiń Reseıde ýaqytsha bolý merzimin 180 kúnge deıin uzartty, dep habarlaıdy Kazinform.
Tıisti jarlyqqa Reseı premer-mınıstri Mıhaıl Mıshýstın qol qoıyp, resmı quqyqtyq aqparat portalynda jarııalandy.
Bul halyqaralyq avtomobıl tasymalymen aınalysatyn jáne Reseıge vızasyz keletin kásibı júrgizýshilerge qatysty shara. Olarǵa tıisti ótinish berilgen jaǵdaıda elde kúntizbelik jyl ishinde 180 kúnge deıin júrýge ruqsat etiledi.
Bul qaýly 2026 jyldyń 30 maýsymynda kúshine enedi.
Buǵan deıin Kólik mınıstrligi Astanada júk kólikterine baqylaýdy kúsheıtkenin jazdyq.
