Reseı, Qazaqstan jáne Belarýs óńirlik saýda odaǵyn damytý boıynsha jalpyálemdik úrdisten bir qadam alda keledi

Bul pikirdi búgin Bnews.kz portaly stýdııasynda ótken ınternet-konferentsııa barysynda reseılik «Bıznes yntymaqtastyq» úkimettik emes uıymynyń dırektory, «Daǵdarystan keıin damý modelderi» zertteýleri avtorlarynyń biri Vıtalıı Sednev bildirdi.

Sarapshynyń atap ótýinshe, Reseı, Belarýs jáne Qazaqstanda áli kúnge deıin Kedendik odaqqa qatysty ol qandaı paıda ákeledi jáne onyń qandaı táýekelderi bar degen daý-damaý tolastamaı tur.

«Biraq eger álemdik sarapshylardyń pikirine súıener bolsaq, Kedendik odaq - bul álemde bastalǵan ekonomıkalyq bólinis baǵyttarynyń biri. Kedendik odaqtyń qarsylastary óte kóp, degenmen Eýropalyq odaq qurylǵan alǵashqy jyldary da kóptegen qarsylastar men pessımıstik kózqarastar boldy jáne bul ıntegratsııalyq birlestiktiń tabystylyǵyna kópshiligi senbedi. Kedendik odaq álemde qalyptasqan mańyzdy úrdisterdi bekitedi, bul óńirlik saýda odaqtarynyń damýyna bás tigedi. Bul oraıda Reseı, Qazaqstan jáne Belarýs jalpy álemdik úrdisten bir qadam alda keledi», dedi V.Sednev.

Reseılik «Bıznes yntymaqtastyq» ÚEU basshysynyń paıymdaýynsha, Kedendik odaq jyldam nemese jaı damýy múmkin, biraq ol qatysýshy elderdiń, ásirese bıznestiń damýyna úlken múmkindik beredi.