Reseı-Qazaqstan shekarasynda psıhotropty dárilerdi alyp ótpek bolǵandar ustaldy - UQK
ASTANA. QazAqparat - Qazaq-reseı shekarasyndaǵy qazaqstandyq shekarashylar psıhotropty zatty alyp ótpek bolǵan azamattardy ustady, dep habarlady QR UQK Shekara qyzmetinen.
Naqtyraq aıtqanda, Petropavl shekara otrıadyna qarasty «Jańajol avto» baqylaý-ótkizý beketiniń baqylaýshylary júıkeni emdeýge arnalǵan, áser etýi óte kúshti «Tramadol» dárisin elimizden Reseıge zańsyz áketip bara jatqan eki Reseı azamatyn ustady. Tekserip qaraǵanda 3 qorabshada 5 ampýla dáriniń salmaǵy 30 gramm bolyp shyqty.
Atalǵan derek boıynsha, Mamlıýt aýdandyq quqyqqorǵaý organdary habarlandyryldy. Tergeý amaldary bastaldy.
