Reseı Qazaqstan men Mońǵolııa shekarasy arqyly ótýge shekteýdi alyp tastady

MÁSKEÝ. TASS – QazAqparat - Reseı 30 naýryzdan bastap Qazaqstan jáne Mońǵolııa shekaralary arqyly ótýge qoıylǵan shekteýdi alyp tastaıdy. Bul týraly beısenbi kúni jýrnalısterge koronavırýs ınfektsııasymen kúres jónindegi jedel shtabtan málim etti, dep habarlaıdy QazAqparat TASS agenttigine silteme jasap.

«Jańa koronavırýs ınfektsııasynyń taralýynyń aldyn alý jónindegi jedel shtab 2022 jylǵy 30 naýryz, Máskeý ýaqytymen saǵat 00:00-den bastap Reseı-Qazaqstan shekarasynyń qurlyq ýchaskesi arqyly Qazaqstan azamattarynyń Reseıge kirýine jáne Reseı azamattarynyń Qazaqstanǵa shyǵýyna qoıylǵan shekteýlerdi alyp tastaý týraly sheshim qabyldady. Sondaı-aq Mońǵolııa azamattary Reseıge jáne Reseı azamattary Mońǵolııaǵa Reseı-Mońǵolııa shekarasynyń qurlyq ýchaskesi arqyly óte alady», - dep habarlady shtab.

Shtab málimetinshe, Mońǵolııadan Reseıge keletin shetel azamattary men azamattyǵy joq adamdarǵa da shekteýler alynyp tastaldy. Reseı 2021 jyldyń 1 jeltoqsanynan bastap Mońǵolııamen, 2020 jyldyń 21 qyrkúıeginen bastap Qazaqstanmen áýe qatynasyn qalpyna keltirdi.