Reseı Qazaqstan kómirin tutyný kólemin kúrt tómendetýi múmkin - «Kazenergy»
ASTANA. QazAqparat - Kómir óndirý kólemi jylyna 155 mln. tonnaǵa deıin jetedi. Bul týraly búgin Astanada «Ulttyq baıandama 2013» tanystyrylymynda «Kazenergy» qaýymdastyǵynyń bas dırektory Áset Maǵaýov málim etti.
«Kómir óndirý salasyna toqtalatyn bolsaq, elimizde otynnyń bul túriniń úlken qory bar, ıaǵnı áleýetti resýrstar 150 mlrd. tonna, al balanstyq qor 33,6 mlrd. tonnany qamtyp otyr. Boljam boıynsha aldaǵy ýaqytta kómir óndirý kólemi artady. Atap aıtqanda 2011 jyldaǵy 110 mln. tonnadan 155 mln. tonnaǵa (2030 jyl) deıin ósedi», - dedi ol.
Á. Maǵaýovtyń paıymynsha, ekologııalyq talaptardyń kúsheıýine baılanysty kómir stansalaryn qadaǵalaý arta túspek.
«Kómir óndirý salasynda Reseı tarapynan úlken táýkeldi kórip otyrmyz, sebebi, RF-da kómir stansalaryn Qazaqstannyń kómirin paıdalanýdan Kýzbass kómirine aýystyrý baǵdarlamasy iske asyrylýda. Bul baǵdarlama asyrylyp jatqandyqtan bizde óndiriletin kómirdi ótkizýdiń jańa naryqtaryn qalyptastyrýdy jaıynda oılanýymyz kerek», - dedi ol.
