Reseı - Qazaqstan forýmynyń resmı saıty iske qosyldy
ASTANA. QazAqparat - XIV Reseı jáne Qazaqstan óńiraralyq yntymaqtastyq forýmynyń resmı saıty iske qosyldy, dep habarlaıdy «QazAqparat» HAA kp.ru-ǵa silteme jasap.
Halyqaralyq shara 2017 jylǵy 9 qarashada Chelıabi qalasynda ótedi. Forýmǵa eki eldiń prezıdentteri Vladımır Pýtın men Nursultan Nazarbaevtyń qatysýy kútilýde. Adam kapıtalyn damytý máselesi forýmnyń negizgi taqyryby bolady.
«Joǵary deńgeıdegi kezdesýdi taǵy bir ret uıymdastyrý biz úshin mártebe. Chelıabidegi Reseı - Qazaqstan forýmy alǵash ret 2005 jyly ótken bolatyn. Sodan beri kóp nárse ózgerdi. Qala da, óńir de ózgerdi, jańa ekonomıkalyq múmkindikter týdy, Reseı men Qazaqstannyń iskerlik jáne gýmanıtarlyq baılanystary, memleketter basshylarynyń dostyq qatynastary jańa deńgeıge kóterildi. Mundaı forýmdar bir-birimizdi jaqyndata túsýge taǵy bir qadam», - delingen gýbernator Borıs Dýbrovskııdiń resmı saıttyń ashylýyna oraı joldaǵan quttyqtaýynda.
