Reseı Katarǵa fýtboldan álem chempıonaty estafetasyn tapsyrdy
ASTANA. QazAqparat - RF prezıdenti Vladımır Pýtın, Katar ámiri Tamım ben Hamad Al Tanı jáne FIFA prezıdenti Djannı Infantıno jeksenbi kúni Katarǵa 2020 jyly fýtboldan álem chempıonatyn ótkizý boıynsha sımvolıkallyq tapsyrý rásimine qatysty, dep habarlaıdy TASS.
Eki eldiń kóshbasshysy jáne Halyqaralyq fýtbol federatsııasynyń prezıdenti Kremlde kezdesti. Pýtın kezekti mýndıal qojasyna ÁCh-2018 sımvolıkasy bar qyzyl-aq tústi dopty tapsyrdy.
Uıymdastyrýshylardyń sózine qaraǵanda, osy dop jeksenbide máskeýlik «Lýjnıkı» stadıonynda Frantsııa men Horvatııa quramalary arasynda ótetin fınaldyq matchta qoldanylady. Bul oıyn máskeý ýaqytymen 18: 00-de bstaalady.
Óz kezeginde Vladımır Pýtın Reseıde bolǵan fýtboldan álem chempıonatyn maqtan tutatyndyǵyn jáne Katardyń da 2022 jyly osy birinshilikti joǵary deńgeıde ótkizetindigine senim bildirdi.
Óz kezeginde Katar ámiri Pýtınge osy kezdesýge múmkindik jasaǵany úshin alǵys aıta kele, eliniń aldaǵy chempıonatty daıyndaý úshin bar kúshterin jumsaıtyndyǵyn jetkizdi.
Eske sala ketsek, Katardyń týrnırdi qabyldaıtyndyǵy jóninde sheshimdi FIFA atqarýshy komıteti 2010 jyldyń jeltoqsanynda qabyldaǵan bolatyn. Týrnır bul elde 2022 jyldyń 21 qarashasy men 18 jeltoqsany aralyǵynda ótedi.
