Reseı qaraqshylyqtyń qara tizimine ilindi
ASTANA. 4 mamyr. QazAqparat - Reseı taǵy da basty kompıýterlik qaraqshylardyń qara tizimine engizildi, dep habarlady Bı-Bı-Sı.
AQSh saýda ókildigi (syrtqy saýda mınıstrligi) avtorlyq quqyqtardy buzýshylarmen jetkiliksiz kúres júrgizip otyrǵan elderdiń tizimin jarııalady.
Mundaı tizim ókildik málimetteri negizinde jyl saıyn jasalady. Sońǵy jyldary «zııatkerlik menshik urlyǵymen kúresti jetkiliksiz júrgizip otyrǵan» Reseı men Qytaı osy tizimniń kósh basynda keledi. Oǵan barlǵy 13 memleket engizilgen, olardyń arasynda Ýkraına, Kanada, Argentına, Úndistan, Aljır, Chılı, Indonezııa, Izraıl, Pákistan, Taıland jáne Venesýela bar.
Saýda ókildiginiń atap ótýinshe, reseı jáne qytaı bıligi sońǵy kezderi qaraqshylyqpen kúreske jáne bul oraıdaǵy zańnamany reformalaýǵa biraz kúsh-jiger jumsap keledi. Degenmen amerıkandyqtardyń pikirinshe, bul jetkiliksiz. Ásirese Internet salasyndaǵy qaraqshylyq eleýli alań týǵyzýda. «Qurama Shtattar Reseı "VKontakte" jáne "Odnoklassnıkı" sııaqty áleýmettik jelilerdegi qaraqshylyqty toqtatý úshin sharalar alýy tıis», delingen qujatta.
