Reseı qaraǵandylyq erkekshópke qyzyǵýshylyq tanytyp otyr
ASTANA. QazAqparat - Alǵash ret Qaraǵandy ósimdiktaný jáne selektsııa ǵylymı-zertteý ınstıtýty (QÓSǴZI) bes tonna erkekshópti Reseıge eksporttady. Eger taýar satyp alýshylarǵa unaıtyn bolsa, jóneltiletin ónim kólemi anaǵurlym ulǵaıtylatyn bolady, dep habarlaıdy oblystyq ákimdiktiń baspasóz qyzmeti.
«Biz Reseı Federatsııasyna synama túrde bes tonna erkekshóp jónelttik, - dep málimdedi. «QÓSǴZI» JShS bas dırektory Damır Qaldybaev. - Mundaı az kólem Reseı úshin bizdiń naryq tańsyq bolǵandyqtan ázirge bizdiń taýarǵa senimsizdikpen qaraýymen túsindirilip otyr. Eger ónimniń sapasy olardyń kóńilinen shyǵatyn bolsa, reseılikter anaǵurlym kóp kólemde - 150 tonna shópti satyp alýǵa daıyn».
Sonymen qatar «Karagandınskaıa-30» bıdaı surypyn kórshiles Aqmola oblysynyń aýylsharýashylyq ónim óndirýshileri satyp almaqshy. Bıylǵy jyly synaq ýchaskilerinde bul suryp eń úlken ónimdilikti - bir gektardan 15 tsentnerdi kórsetip otyr. Mamandardyń aıtýynsha qurǵaq klımat jaǵdaıynda bul bıdaı túri joǵary kórsetkishterge ıe bolady.
Ázirge QÓSǴZI tuqymdarynyń negizgi tutynýshylary - jergilikti sharýalar. Munda tary, suly, arpa dánderi, bir jyldyq jáne kópjyldyq shópter satyp alynady.
Erkekshóp - asa kútimdi qajet etpeıtin jer men klımatqa beıimdelgen kópjyldyq shópterdiń túri. Ol HH ǵasyrdan bastap qundy azyq shóp retinde paıdalanady.
