Reseı qalalarynda qazaqstandyq JOO-nyń kórmesi ótýde
NUR-SULTAN. QazAqparat - Reseı qalalarynda qazaqstandyq joǵary oqý oryndarynyń kórmesi ótip jatyr. Bul týraly QazAqparat Halyqaralyq baǵdarlamalar ortalyǵynyń» baspasóz qyzmetine silteme jasap habarlaıdy.
Alǵash ret aǵymdaǵy jyldyń 15-24 sáýir aralyǵynda Astrahan (15.04), Volgograd (16.04), Saratov (17.04), Samara (18.04), Orenbýrg (19.04), Orsk (20.04), Chelıabınsk (22.04) jáne Omsk (24.04) qalalarynda «Qazaqstandyq joǵary oqý oryndaryn tanystyrý» sharasy ótkizip jatyr. Іs-sharaǵa elimizdiń 14 JOO qatysýda.
«Osy is-shara reseılik oqý oryndarymen tájirıbe almasý úshin biregeı alań bolyp tabylady, sondaı-aq reseı jastaryn Qazaqstandaǵy oqý oryndarynyń múmkindikterimen tanystyrady»,- dedi ortalyqtyń baspasóz qyzmeti.
Aıta ketsek, búgingi tańda Qazaqstanda 23 myńǵa jýyq sheteldik stýdentter bilim alýda. Al, 2021 - shi jyly bul kórsetkish sanyn 50 myńǵa jetkizý josparlanýda.
