Reseı Izraıl men Iranǵa araǵaıyndyq jasaýǵa daıyn

MÁSKEÝ. KAZINFORM – RF prezıdenti Vladımır Pýtın Birikken Arab Ámirlikteriniń prezıdenti Muhammed ben Zaıd Ál Nahaıanmen telefon arqyly sóılesip, Iran men Izraıl arasyndaǵy qaqtyǵystytalqylady, dep habarlaıdy Kazinform agenttiginiń tilshisi Kremldiń baspasóz qyzmetine silteme jasap.

Habarlamada V.Pýtın Reseıdiń taraptar arasyndaǵy dıalogty ilgeriletý úshin araǵaıyndyq jasaýǵa ázir ekeni jáne osyǵan baılanysty birqatar sheteldik kóshbasshymen baılanysqa shyqqany týraly aıtylǵan.

Taraptar Iran men Izraıl arasyndaǵy qaqtyǵystyń ýshyǵýyna qatty alańdaýshylyq bildirdi.

Sonymen qatar, memleket basshylary Taıaý Shyǵystaǵy jaǵdaıdyń kúrt shıelenisýine baılanysty pikir almasty. Olar Izraıl men Iran arasyndaǵy soǵys áreketterin tez arada toqtatýdyń mańyzdy ekenin jáne Irannyń ıadrolyq baǵdarlamasyna qatysty daýly máselelerdi retteý úshin saıası-dıplomatııalyq kúsh-jigerdi jandandyrý qajettigin atap ótti.

Buǵan deıin Reseı Syrtqy ister mınıstrligi Iran-Izraıl qaqtyǵysyna qatysty málimdeme jasaǵanyn habarlaǵan bolatynbyz.