Reseı iri jol apatynda zardap shekken ózbekstandyqtarǵa ótemaqy tóledi
ASTANA. QazAqparat - «Rossııskıe jeleznye dorogı» AAQ Vladımır oblysynda bolǵan iri jol apatynan zardap shekken Ózbekstan azamattarynyń árbirine 5 myń rýblden ótemaqy tóledi, dep habarlaıdy «QazAqparat» HAA uznews.uz-qa silteme jasap.
«Zardap shekkenderdiń barlyǵyna Reseı TJM qajetti medıtsınalyq jáne psıhologııalyq kómek kórsetti, olardyń árbirine «Rossııskıe jeleznye dorogı» AAQ esebinen 5 myń rýblden ótemaqy tólendi», - delinedi Ózbekstan TJM baspasóz qyzmetiniń habarlamasynda.
Eske sala keteıik, 6 qazan kúni 3 saǵat 30 mınýtta Reseıdiń Vladımır oblysynda qazaqstandyq UDA668 nómirli jolaýshy avtobýsy baǵdarshamnyń dabylyna toqtamaı óte shyǵyp, poıyzben soqtyǵysqan. Avtobýsta Ózbekstannyń 55 azamaty, eki júrgizýshi Qazaqstannyń azamaty bolǵan. Onyń biri qaza tapty, ekinshisi qazir Pokrov qalasyndaǵy ýaqytsha pýnktte.
